Գաբրիել Սարգսյանն արագ շախմատի ԵԱ-ում հաջողությամբ է մեկնարկել

ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց թիմի անդամ Գաբրիել Սարգսյանը հաջող է մեկնարկել արագ շախմատի Եվրոպայի առաջնությունում:

«Արմենպրես»-ի հաղորդմամբ`  Հյուսիսային Մակեդոնիայում ընթացող արագ և կայծակնային շախմատի Եվրոպայի անհատական առաջնությունում կայացել են արագ շախմատի մեկնարկային 6 տուրերը:

Գաբրիել Սարգսյանը վաստակել է 5,5 միավոր և առաջատարներին զիջում է  կես միավոր: 

Արագ շախմատի Եվրոպայի առաջնությունում դեկտեմբերի 10-ին կկայանա ևս 5 տուր: Դեկտեմբերի 9-ին կկայանա կայծակնային շախմատի ԵԱ-ն: