368.54
Եվրոպական վեց երկրներ մեղադրել են Ռուսաստանին «անվտանգության ճարտարապետության վրա հարձակվելու» մեջ
1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ։ Ֆրանսիայի, Գերմանիայի, Իտալիայի, Լեհաստանի, Իսպանիայի և Մեծ Բրիտանիայի արտգործնախարարները Ռուսաստանին մեղադրել են եվրոպական անվտանգության ճարտարապետության վրա համակարգված հարձակումներ իրականացնելու մեջ։ Ինչպես տեղեկացնում է «Արմենպրես»-ը՝ այդ մասին ասված է Վարշավայում կայացած հանդիպման արդյունքներով արտգործնախարարների համատեղ հայտարարության մեջ։
«ՆԱՏՕ-ի և ԵՄ-ի երկրների դեմ Մոսկվայի հիբրիդային գործունեության էսկալացիան նույնպես աննախադեպ է իր բազմազանությամբ և մասշտաբներով՝ ստեղծելով անվտանգության զգալի ռիսկեր»,- ասված է փաստաթղթում։
Նախարարները Ռուսաստանին մեղադրել են նաև ռևիզիոնիզմի, Իրանի և Հյուսիսային Կորեայի հետ կապեր հաստատելու և ուկրաինական հակամարտության վերաբերյալ կառուցողական բանակցություններ վարելուց հրաժարվելու մեջ։
Փաստաթղթից բխում է նաև, որ եվրոպական երկրները պետք է էլ ավելի մեծ դեր ունենան սեփական անվտանգության ապահովման գործում՝ գործելով անդրատլանտյան և գլոբալ գործընկերների հետ միասին։
Բաժանորդագրվեք մեր ալիքին Telegram-ում