1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանում իշխող «Քաղաքացիական պայմանագիր» կուսակցությունն արտահերթ ընտրությունների անցկացման ծրագրեր չունի։
«Արմենպրես»-ի հաղորդմամբ՝ այս մասին խորհրդարանական ճեպազրույցների ժամանակ հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը։
«Խորհրդարանական արտահերթ ընտրությունների ծրագրեր չունենք։ Հայաստանում 2021 թվականին են տեղի ունեցել արտահերթ խորհրդարանական ընտրություններ, և Հայաստանի ժողովուրդն իր կամքը ձևակերպել է ընտրությունների արդյունքում։ Հաջորդ ընտրությունը 2026 թվականին է, և մենք մինչև այդ պետք է իրագործենք ժողովրդի կողմից մեզ տրված մանդատը»,- նշեց Կոնջորյանը։
Հայաստանի կառավարությունում պաշտոնանկությունների ֆոնին ընդդիմադիր որոշ գործիչներ կարծիք էին հայտնել, որ դրանք պայմանավորված են նախընտրական գործընթացներով՝ ակնարկելով, որ իշխող ուժն արտահերթ խորհրդարանական ընտրությունների գնալու ծրագրեր ունի։