ԵՄ դիվանագիտության ղեկավար Կայա Կալասը կժամանի Հայաստան

Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ  Կայա Կալասը մոտ ապագայում կժամանի Հայաստան։  

«Արմենպրես»-ի հաղորդմամբ՝ այս մասին Ազգային ժողովի եվրոպական ինտեգրման հանձնաժողովի արտահերթ նիստի ժամանակ հայտարարեց ՀՀ արտաքին գործերի փոխնախարար Պարույր Հովհաննիսյանը։

Հովհաննիսյանը սպասվող այցի վերաբերյալ մանրամասներ չներկայացրեց, սակայն նշեց, որ կքննարկվեն համագործակցությանը վերաբերող տարբեր հարցեր: 

«Մոտ շաբաթներին կունենանք Եվրոպական միության բարձր ներկայացուցիչ Կայա Կալասի այցը Հայաստան»,-տեղեկացրեց Հովհաննիսյանը՝ հավելելով, որ նախատեսվում են նաև այլ բարձրաստիճան այցելություններ։