367.79
Մեկնարկել է «Հայաստան-Իրան. Համագործակցության ընթացքն ու նոր հեռանկարները» խորագիրը կրող փորձագիտական եռօրյա համաժողովը
1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Մեկնարկել է Հանրային Կապերի և Տեղեկատվության Կենտրոնի կողմից կազմակերպված «Հայաստան-Իրան. Համագործակցության ընթացքն ու նոր հեռանկարները» խորագիրը կրող փորձագիտական եռօրյա համաժողովը։
«Արմենպրես»-ի հաղորդմամբ՝ կենտրոնի տնօրեն Գոռ Ծառուկյանը «Ֆեյսբուք»-ի իր էջում տեղեկացրել է, որ Իրանի առաջատար ուղեղային կենտրոնների, լրատվական գործակալությունների ներկայացուցիչները հանդիպումներ են ունեցել ՀՀ փոխվարչապետ Մհեր Գրիգորյանի, ՀՀ անվտանգության խորհրդի քարտուղար Արմեն Գրիգորյանի և տարածքային կառավարման և ենթակառուցվածքների փոխնախարարներ Արմեն Սիմոնյանի ու Քրիստինե Ղալեչյանի հետ։
Նշվում է, որ իրանցի հյուրերին ներկայացվել են Հայաստան-Իրան փոխգործակցության բազմազանեցման, խորացման ընթացքն ու տեսլականը, Հայաստանի դիրքորոշումները տարածաշրջանում տրանսպորտային ապաշրջափակման, սահմանազատման, Հայաստան-Ադրբեջան հարաբերությունների կարգավորման գործընթացների, ինչպես նաև «Խաղաղության խաչմերուկ» նախագծի վերաբերյալ։
Համաժողովի հաջորդ երկու օրերն անցկացվելու են Սյունիքի մարզում։ Կապանում կազմակերպվելու է հայ-իրանական փորձագիտական աշխատաժողով։
Բաժանորդագրվեք մեր ալիքին Telegram-ում