Պատգամավոր Էմմա Պալյանի տեղեկություններով՝ Գյումրիի քաղաքապետն այսօր հրաժարական կտա
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ։ Ազգային ժողովի «Քաղաքացական պայմանագիր» խմբակցության պատգամավոր Էմմա Պալյանի տեղեկություններով՝ Գյումրիի քաղաքապետ Վարդգես Սամսոնյանը հոկտեմբերի 28-ին հրաժարական կներկայացնի։ Էմմա Պալյանն այս մասին ասաց «Արմենպրես»-ի հետ զրույցում՝ անդրադառնալով մամուլում շրջանառվող լուրերին, թե Գյումրիի քաղաքապետը հրաժարական է տվել։
«Ես կարող եմ ասել, որ այս պահին տեխնիկական կարգավորումներ են անում, այսօրվա ընթացքում հրաժարականը կլինի»,- ասաց պատգամավորը՝ հստակեցնելով, որ այս պահին դեռ պաշտոնական ոչինչ չկա։
Քաղաքապետ Վարդգես Սամսոնյանի հրաժարականի լուրը Գյումրիի քաղաքապետարանից չմեկնաբանեցին՝ նշելով, որ թեմայի վերաբերյալ կլինի պաշտոնական հաղորդագրություն։
Մամուլում լուրեր են շրջանառվում, որ Գյումրիի քաղաքապետ Վարդգես Սամսոնյանը հրաժարական է տվել։