ԱրարատԲանկը ներկայացնում է UBPAY՝ նոր համակարգ միջազգային փոխանցումների համար

ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: ԱրարատԲանկը տեղեկացնում է UBPAY համակարգի գործարկման մասին, որը հնարավորություն է տալիս հաճախորդներին իրականացնել և ստանալ փոխանցումներ Ռուսաստանի Դաշնությունից Հայաստանի Հանրապետություն և հակառակ ուղղությամբ:

UBPAY համակարգն ունի հետևյալ հիմնական բնութագրերը.

Փոխանցում  

• Արժույթ՝ ՌԴ ռուբլի
• Ամսական առավելագույն սահմանաչափ՝ 20 մլն ՀՀ դրամ կամ 5 մլն ռուսական ռուբլի
• Մեկ փոխանցման առավելագույն գումար՝ 5 մլն ՀՀ դրամ կամ 500,000 ռուսական ռուբլի
• Մեկ փոխանցման նվազագույն գումար՝ 1,000 ՀՀ դրամ կամ 100 ռուսական ռուբլի

Ստացում

• Արժույթներ՝ ԱՄՆ դոլար, Եվրո, ՀՀ դրամ և ՌԴ ռուբլի
• Ամսական առավելագույն սահմանաչափ՝ 20 մլն ՀՀ դրամ կամ 5 մլն ռուսական ռուբլի

Հաճախորդները կարող են օգտվել UBPAY ծառայությունից ԱրարատԲանկի բոլոր մասնաճյուղերում: