Գեղարքունիքի մարզում ավարտին է մոտենում կարտոֆիլի բերքահավաքը

ԳԱՎԱՌ, 14 ՀՈԿՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզում 2024 թվականի սեպտեմբերի վերջերից սկսված կարտոֆիլի բերքահավաքն արդեն մոտենում է ավարտին։

Ինչպես «Արմենպրես»-ին տեղեկացրեց Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Մարտին Պետրոսյանը, 2024 թվականի հոկտեմբերի 14-ի դրությամբ մարզի տնտեսություններում այս տարի ցանված 5691 հեկտար կարտոֆիլի դաշտերում բերքահավաքն ավարտվել է շուրջ 4751 հեկտարի վրա։ Հավաքված բերքը կամ իրացվում է տեղում, կամ՝ պահեստավորվում։ Մնացած շուրջ 940 հեկտար բերքը կհավաքվի առաջիկա օրերի ընթացքում։

Մեկ հեկտարի միջին բերքատվությունը կազմում է 200-220 ցենտներ։ 

Խոսրով Խլղաթյան