Pandai Education ընկերությունն արժանացավ WITSA ստարտափների համաշխարհային գավաթին WCIT2024/DigiTec շրջանակում
9 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Մալայզիան ներկայացնող Pandai Education ընկերությունն արժանացել է Նորարարությունների, տեխնոլոգիաների և ծառայությունների համաշխարհային դաշինքի՝ WITSA-ի համաշխարհային գավաթին (WITSA World Cup (WWC))։ Ինչպես «Արմենպրես»-ին տեղեկացրին WCIT2024/DigiTec-ից, «Զոհարի մարտահրավերի գավաթ»-ի (Zohari Challenge Trophy) համար իրենց նորարարական լուծումներով մրցել են 16 ստարտափներ և տեխնոլոգիական ընկերություններ աշխարհի 10 երկրներից, որոնց գործունեության շրջանակն ընդգրկում էր կյանքի բոլոր ոլորտները՝ կրթություն, առողջապահություն, բանկային գործ, առևտուր, թվային գովազդների օպտիմալացում, այլ։
«WITSA համաշխարհային գավաթը կարևոր մրցանակ է, որը խթանում է գլոբալ տեխնոլոգիական նորարարությունը։ Համախմբելով աշխարհի խոստումնալից ձեռնարկատիրական մտքերը՝ մենք նպաստում ենք աջակցության, գործընկերության և ներդրումների էկոհամակարգի զարգացմանը, որոնք կձևավորեն տեխնոլոգիաների ապագան»,- միջոցառման ավարտին նշել է Նորարարությունների, տեխնոլոգիաների և ծառայությունների համաշխարհային դաշինքի (WITSA) տնօրեն դոկտոր Դեն Ի Քհուն։
«WITSA-ի համաշխարհային գավաթի մրցանակաբաշխությունը (WITSA World Cup (WWC)) տեղի ունեցավ WCIT2024/DigiTec-ի շրջանակներում, Երևանում, հոկտեմբերի 7-ին Կարեն Դեմիրճյանի անվան մարզահամերգային համալիրում։
Մրցույթին մասնակցում էին ստարտափներ 10 երկրներից (Իսպանիա, Ռումինիա, Հունաստան, Հայաստան, Հորդանան, Մալայզիա, Եգիպտոս, Հունաստան, Միացյալ Թագավորություն, Բահրեյն), որոնցից յուրաքանչյուրում անց էր կացվել մրցույթի տեղական փուլը և հաղթողները ներկայացնում էին իրենց երկիրը Հայաստանում անցկացվող համաշխարհային գավաթի խաղարկման ընթացքում։
WITSA-ի համաշխարհային գավաթում Հայաստանը ներկայացնում էին Երևանում օգոստոսին հաղթող ճանաչված Text'nPayMe և AllClean ստարտափները՝ ցուցադրելով նորարարական մոտեցումներն ու ազդեցիկ լուծումների հայկական ներուժը։
WCIT2024/DigiTec-ի շրջանակներում հոկտեմբերին, երեք օր շարունակ ստարտափ ընկերությունները ներկայացրին իրենց գաղափարներն ու գործունեությունը․ եզրափակչում մրցեցին Մալայզիայից ժամանած երկու ընկերություններ։
Հաղթող ճանաչված Pandai Education ընկերության հարթակը, օգտագործելով անհատականացված կրթական գործիքներ և գնահատման մեթոդաբանություն, խթանում է ուսուցման գործընթացը։ Այն գրավել էր ժյուրիի ուշադրությունն իր մասշտաբայնությամբ և ազդեցությամբ ինչպես ուսուցիչների, այնպես էլ ուսանողների շրջանում»,- ասվում է հաղորդագրության մեջ։
«Pandai Education-ի հաղթանակը կարևոր ձեռքբերում է ոլորտի համար, և մենք անչափ հպարտ ենք տեսնելու մրցույթի եզրափակչում մրցող կազմակերպությունները, որոնք ներկայացրին իրենց նորարարությունները։ WITSA համաշխարհային գավաթը ստեղծվել է խթանելու և տարածելու համար տեխնոլոգիական առաջընթացը սահմաններից դուրս, և Pandai-ի հաղթանակը լավագույնս արտացոլում է այն գլոբալ ազդեցությունը, որը այս մրցույթը կարող է ունենալ։ Այս միջոցառումը նշանավորում է նորարարությունը, ձեռնարկատիրությունը և համագործակցությունը, որոնք WITSA-ի առաքելության հիմնաքարերից են»,- նշել է Նորարարությունների, տեխնոլոգիաների և ծառայությունների համաշխարհային դաշինքի (WITSA), նախագահող դոկտոր Շան Սիան։
Հոկտեմբերի 4-7-ը Հայաստանում տեղի ունեցավ տարվա ամենասպասված տեխնոլոգիական միջոցառումը՝ Նորարարության և տեխնոլոգիաների համաշխարհային համաժողովը՝ WCIT2024/DigiTec-ը Մարզահամերգային համալիրում, որի շրջանակում անցկացվեց նաև ԴիջիԹեք էքսպոն Մերիդիան կենտրոնում։ «ՄՏՔԻ ՈՒԺԸ. Արհեստական բանականություն՝ սահմաններից այն կողմ՝ էթիկայի շրջանակներում» խորագրով WCIT2024/DigiTec համաժողովը տեղեկատվական տեխնոլոգիաների ազդեցության ուժեղացման, ներդրումների և տարբեր տարածաշրջաններում ու տնտեսություններում (ՏՀՏ) լուծումների կարևորությունն ընդգծող համաշխարհային հարթակ դարձավ՝ միավորելով մեկ հարկի տակ միջազգային և լոկալ մի շարք խոսնակների։
Հայկական ստարտափների մասին, որոնք մասնակցում էին WITSA-ի համաշխարհային գավաթի մրցաշարին՝
Text'nPayMe-ն վճարային նորարարական հավելված է, որը մասնագիտացած է բանկերի, ֆինանսական կորպորոցիաների, հեռահաղորդակցության և առցանց խանութների համար՝ առաջարկելով վճարային նորարարական լուծումներ։
Allclean-ը բնակելի տարածքների մաքրման ընկերություններին և տարածքների սեփականատերերին կապող հարթակ է՝ նպատակ ունի դյուրինացնելու մաքրման գործընթացը:
WCIT-ի մասին. Նորարարությունների և տեխնոլոգիաների համաշխարհային կոնգրեսը (WCIT) հեղինակավոր համաշխարհային միջոցառում է, որը կազմակերպվել է ՏՏ և ծառայությունների համաշխարհային դաշինքի (WITSA) կողմից: WCIT-ը համախմբում է տեխնոլոգիայի առաջնորդներին, ոլորտի մասնագետներին, կառավարության ներկայացուցիչներին ամբողջ աշխարհից՝ ուսումնասիրելու և ձևավորելու համար տեխնոլոգիայի ապագան և դրա ազդեցությունը հասարակության վրա:
Կայքէջ։ https://wcit2024-digitec.com
Facebook: https://www.facebook.com/wcit2024.digitec
WCIT/DigTec-ի մասին. Նորարարությունների և տեխնոլոգիաների համաշխարհային համաժողովը (WCIT) հեղինակավոր համաշխարհային միջոցառում է, որը կազմակերպվել է ՏՏ և ծառայությունների համաշխարհային դաշինքի (WITSA) կողմից: WCIT-ը համախմբում է տեխնոլոգիայի առաջնորդներին, ոլորտի մասնագետներին, կառավարության ներկայացուցիչներին ամբողջ աշխարհից՝ ուսումնասիրելու և ձևավորելու համար տեխնոլոգիայի ապագան և դրա ազդեցությունը հասարակության վրա:
Կայքէջ։ https://wcit2024-digitec.com
Facebook: https://www.facebook.com/wcit2024.digitec
ԱՏՁՄ-ի մասին․ Առաջատար տեխնոլոգիաների ձեռնարկությունների միությունը համախմբում է ոլորտի ավելի քան 160 տեղական և միջազգային ընկերություններ։ ԱՏՁՄ-ն նվիրված է արդյունաբերության աճին թիրախային նախագծերի միջոցով. հիմնադրել համապարփակ տեխնոլոգիական կրթություն Հայաստանում («Արմաթ» ինժեներական լաբորատորիաներ), դյուրացնել մուտքը համաշխարհային շուկա և փորձի փոխանակում կազմակերպված պատվիրակությունների միջոցով։
Բացի այդ, ԱՏՁՄ-ն զգալի ազդեցություն ունի նաև իրավական դաշտի վրա՝ քաղաքականության մշակման և կառավարության հետ համագործակցության միջոցով՝ խթանելով մրցակցային, բայց համագործակցային բիզնես միջավայրը։ ԱՏՁՄ-ն հայտնի է խոշոր միջոցառումների կազմակերպմամբ, որոնք ընդգծում են հայկական տեխնոլոգիական առաջընթացը։ Հատկանշական է WCIT 2019-ի հյուրընկալումը, WCIT 2024-ը և ամենամյա DigiTec Expo-ն, որն անցկացվում է արդեն մոտ 20 տարի՝ ցուցադրելով նորարարություններն ինչպես տեղական, այնպես էլ համաշխարհային լսարանին։ Այս ջանքերի շնորհիվ ԱՏՁՄ-ն շարունակում է բարձրացնել Հայաստանի ներկայությունը համաշխարհային տեխնոլոգիական միջավայրում։
Պաշտոնական կայքէջ՝ https://www.uate.org/
ԴիջիԹեք-ի մասին․ «ԴիջիԹեք Էքսպոն» տարածաշրջանի ամենալայնածավալ տեխնոլոգիական ամենամյա ամենալայնածավալ միջոցառում է, որտեղ ավելի քան 100 թիմեր ներկայացնում են իրենց արտադրանքը, ծառայություններն ու ընկերությունները՝ հազարավոր B2B, կառավարական և B2C այցելուներին։
Facebook՝ https://www.facebook.com/digitec.armenia/
Instagram՝ https://www.instagram.com/digitec.armenia/
Youtube՝ https://www.youtube.com/@TheUATE/videos
Կայքէջ՝ http://www.digitec.am
