396.58
Հանրային հեռուստաընկերությունը պատրաստ է ուղիղ եթերում` հարցազրույցի ձևաչափով, հյուրընկալել Բագրատ արքեպիսկոպոս Գալստանյանին
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Հանրային հեռուստաընկերությունը պատրաստակամ է ուղիղ եթերում՝ հարցազրույցի ձևաչափով, հյուրընկալել Բագրատ արքեպիսկոպոս Գալստանյանին կամ «Տավուշը հանուն հայրենիքի» շարժման առաջնորդներից որևէ մեկին:
«Արմենպրես»-ի փոխանցմամբ՝ այս մասին ասված է հեռուստաընկերության տարածած հայտարարությունում:
«Շարժման մեկնարկից ի վեր Հանրային հեռուստաընկերությունը բազմիցս հրավեր է ուղարկել շարժման առաջնորդներին և հիմնականում ստացել մերժում։ Նրանք, ովքեր չեն հրաժարվել հարցազրույցից, հյուրընկալվել են մեր եթերում։
Ինչպես նախկինում, հիմա էլ` Հանրային հեռուստաընկերությունը հավատարիմ է իր առաքելությանը, և հրավերն ուժի մեջ է։ Մենք պատրաստ ենք ուղիղ եթերում` հարցազրույցի ձևաչափով, հյուրընկալել Բագրատ Գալստանյանին կամ շարժման առաջնորդներից որևէ մեկին»,–ասված է հայտարարությունում:
Հոկտեմբերի 2–ին ավելի վաղ Բագրատ արքեպիսկոպոս Գալստանյանը Հանրապետության հրապարակում հրավիրած հանրահավաքի ավարտին հայտարարեց, որ երթով շարժվում են Հանրային հեռուստաընկերություն` ուղիղ եթերի պահանջով։
Բաժանորդագրվեք մեր ալիքին Telegram-ում