Ռուսաստանում մեկնարկել են նահանգային ընտրությունները

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ։ Ռուսաստանում սեպտեմբերի 6-8-ն անցկացվում է քվեարկություն ՌԴ Պետդումայի պատգամավորների լրացուցիչ ընտրություններում, տարածաշրջանային և տեղական ինքնակառավարման մարմինների ընտրություններում։

«Արմենպրես»-ի փոխանցմամբ՝ «Ինտերֆաքս» գործակալությունը հաղորդում է, որ ընդհանուր առմամբ, նախատեսվում են տարբեր մակարդակների ընտրություններ, այդ թվում՝ Ռուսաստանի Դաշնության 21 շրջանների նահանգապետների ուղղակի ընտրություններ, Մոսկվայի քաղաքային դումայի պատգամավորների ընտրություններ, ինչպես նաև Պետդումայի պատգամավորների լրացուցիչ ընտրություններ երեք ազատ միամանդատ շրջաններում։