Իսրայելական հարվածներից վերջին 24 ժամում Գազայի հատվածում ավելի քան 30 պաղեստինցի է զոհվել

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Վերջին 24 ժամվա ընթացքում իսրայելական հարվածների հետևանքով Գազայի հատվածում զոհվել է 33 մարդ, վիրավորվել՝ 145-ը։

«Արմենպրես»-ի հաղորդմամբ՝ այս մասին նշված է Գազայի առողջապահական գերատեսչության տարածած հաղորդագրության մեջ:   

Ըստ աղբյուրի՝ հակամարտության սրվելուց ի վեր Գազայի հատվածում պաղեստինցի զոհերի թիվը հասել է 40 հազար 972-ի, իսկ վիրավորներինը՝ 94 հազար 761-ի: