ՊԵԿ-ը ներկայացրել է օգոստոսին իրականացված համալիր օպերատիվ-հետախուզական միջոցառումների արդյունքները
2 րոպեի ընթերցում
![ՊԵԿ-ը ներկայացրել է օգոստոսին իրականացված համալիր օպերատիվ-հետախուզական միջոցառումների արդյունքները](http://armenpress.am/resized/480/storage/images/articles/2024/09/05/nIqCgMXbPIDpJsHGjMPTJNaSMhSbTrS2ZfvvgK43.webp)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի պետական եկամուտների կոմիտեն ներկայացնում է օգոստոսի 1-ից 31-ն ընկած ժամանակահատվածում ՊԵԿ հետաքննության և օպերատիվ հետախուզության վարչության իրականացրած հարկային իրավախախտումների կանխման, խափանման և բացահայտման ուղղությամբ համալիր օպերատիվ-հետախուզական միջոցառումների արդյունքները։ «Արմենպրես»-ի փոխանցմամբ՝ ՀՀ պետական եկամուտների կոմիտեն այս մասին հաղորդագրություն է տարածել։
28 դեպքով արձանագրվել են առանց համապատասխան հաշվարկային փաստաթղթեր դուրս գրելու` ընդհանուր 5.038.468 ՀՀ դրամի ՀՀ հարկային օրենսգրքի պահանջների խախտումով ապրանքների տեղափոխման կամ մատակարարման դեպքեր: Հնարավոր տուգանքի գումարը կազմում է 20.101.160 ՀՀ դրամ։
26 դեպքով կազմվել են ապօրինի գործունեությամբ զբաղվելու վերաբերյալ արձանագրություններ։ Ապօրինի ձեռնարկատիրական եկամտի չափը կազմել է 7.172.000 ՀՀ դրամ: Հնարավոր տուգանքի գումարը կազմում է 8.752.533 ՀՀ դրամ:
17 դեպքով արձանագրվել են լիցենզավորման կամ ծանուցման ենթակա գործունեությունն առանց լիցենզիայի կամ առանց ծանուցման իրականացնելու կամ առանց թույլտվության կամ առանց լիցենզիայի ընդերքը կամ բնական պաշարներն օգտագործելու խախտումներ։ Արձանագրված խախտումների գումարը կազմում է 57.950.000 ՀՀ դրամ։