Հայիթիում արտակարգ դրություն է հայտարարվել ավազակախմբերի դեմ պայքարելու համար
1 րոպեի ընթերցում
![Հայիթիում արտակարգ դրություն է հայտարարվել ավազակախմբերի դեմ պայքարելու համար](http://armenpress.am/resized/480/storage/images/articles/2024/09/05/ZNSWBNmrGPlDpvmRmIYG2AAfoHeELZ5Hj8vz9yWi.webp)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Հայիթիի ղեկավարությունը որոշում է ընդունել արտակարգ դրություն սահմանել ողջ երկրի տարածքում զինված ավազակախմբերի դեմ պայքարելու համար։ Այդ մասին «Արմենպրես»-ը տեղեկանում է ՏԱՍՍ գործակալությունից:
Համապատասխան որոշումը հրապարակվել է կարիբյան հանրապետության Le Moniteur պաշտոնական թերթում։ Նշվում է, որ արտակարգ դրությունը կգործի առնվազն մեկ ամիս։
Իրադրությունն անվտանգության ոլորտում և հումանիտար վիճակը Հայիթիում վատթարացել է 2021 թվականին նախագահ Ժովենել Մոյիզի սպանությունից և երկրաշարժից հետո. ավազակախմբերը վերահսկում են երկրի մայրաքաղաք Պորտ օ Պրենսի ավելի քան 80 %-ը: Մարտի 1-ին համաձայնագիր է ստորագրվել Քենիայի 1000 ոստիկանից բաղկացած խաղաղապահ զորախումբ Հայիթի ուղարկելու վերաբերյալ` հանցավորության դեմ պայքարելու համար։ Վերջին տարվա ընթացքում Հայիթիի մայրաքաղաքը և մի շարք այլ շրջաններ վերահսկող հանցավոր խմբավորումների սանձարձակության հետևանքով զոհվել է շուրջ 8000 մարդ: