ԵՄ-ն եւ G7-ը մտադիր են Կիևին վարկ տրամադրել ՌԴ ակտիվներից ստացված եկամուտներից
1 րոպեի ընթերցում
![ԵՄ-ն եւ G7-ը մտադիր են Կիևին վարկ տրամադրել ՌԴ ակտիվներից ստացված եկամուտներից](http://armenpress.am/resized/480/storage/images/articles/2024/09/05/SxYUwaTsw2naquN5ZFcFyGEbTVdKZKrUy8iu7Vvp.webp)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ։ Եվրամիությունը և G7-ի երկրները մտադիր են Ուկրաինային տրամադրել մոտ 50 միլիարդ դոլարի վարկ՝ Ռուսաստանի Դաշնության սառեցված ակտիվներից ստացված եկամուտներից։ «Արմենպրես»-ի հաղորդմամբ՝ «ՌԻԱ Նովոստի»-ին հայտնել է Եվրահանձնաժողովի մամուլի ծառայության ներկայացուցիչը։
«Եվրահանձնաժողովի կողմից մենք առաջ ենք շարժվում առաջարկի նախապատրաստման այս աշխատանքում։ Աշխատանքները շարունակվում են»,- ասել է գործակալության զրուցակիցը։
Նա հավելել է, որ նպատակն այն է, որ «Մեծ յոթնյակի» գործընկերների հետ միասին մինչև տարեվերջ Ուկրաինային տրամադրվի մոտ 50 մլրդ ԱՄՆ դոլար վարկ: