Ջրափրկարարները Սևանի ափ են դուրս բերել մոտորոնավակով մոտ 2 կմ հեռացած չորս քաղաքացիներին
1 րոպեի ընթերցում
![Ջրափրկարարները Սևանի ափ են դուրս բերել մոտորոնավակով մոտ 2 կմ հեռացած չորս քաղաքացիներին](http://armenpress.am/resized/480/storage/images/articles/2024/09/04/gUfUb41Q8n9JhIdavmZI6M1GXZ2mFo3U2x6xNYnS.webp)
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզային փրկարարական վարչության ճգնաժամային կառավարման կենտրոնը սեպտեմբերի 4-ին, ժամը 17:57-ին ահազանգ է ստացել, որ 2-րդ հանրային լողափում քաղաքացիները հեծանվանավակով հեռացել են ափից և չեն կարողանում վերադառնալ:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատի N2 հանրային լողափում հերթապահություն իրականացնող ջրափրկարարական խումբը:
Ըստ աղբյուրի՝ ջրափրկարարները մոտ 2 կմ հեռավորությունից ափ են դուրս բերել հեծանվանավակը և չորս քաղաքացու։