2023 թվականին խոլերայից մահացությունն աճել է 71 տոկոսով
1 րոպեի ընթերցում
![2023 թվականին խոլերայից մահացությունն աճել է 71 տոկոսով](http://armenpress.am/resized/480/storage/images/articles/2024/09/04/tBavErJCgmNSbsBWJDKftWXHMUr14EGDQM12uaDW.webp)
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ։ 2023 թվականին խոլերայից մահացությունների և այդ հիվանդությամբ վարակվելու դեպքերի թիվն աճել է համապատասխանաբար 71%-ով և 13%-ով՝ 2022 թվականի համեմատ։ Ավելի քան չորս հազար մարդ մահացել է։ Ինչպես տեղեկացնում է «Արմենպրես» -ը՝ վկայակոչելով «ՌԻԱ Նովոստի»-ն, այդ մասին ասված է Առողջապահության համաշխարհային կազմակերպության կայքում հրապարակված հայտարարության մեջ։
Պարզաբանվում է, որ գրանցված դեպքերի 38%-ը եղել է մինչև հինգ տարեկան երեխաների շրջանում։
Խոլերան ծայրահեղ վարակիչ հիվանդություն է, որը փոխանցվում է աղտոտված սննդի կամ ջրի ընդունման միջոցով: Խոլերան կարող է առաջացնել սուր, ջրային լուծ, իսկ հիվանդության ծանր ձևերը կարող են մահացու լինել ժամերի ընթացքում, եթե չբուժվեն: