Գեղարքունիքի մարզի Կուտական գյուղի դաշտերում այրվել է մոտ 30 հա հնձած արտ
1 րոպեի ընթերցում
![Գեղարքունիքի մարզի Կուտական գյուղի դաշտերում այրվել է մոտ 30 հա հնձած արտ](http://armenpress.am/resized/480/storage/images/articles/2024/09/02/iNSvt295Uj6MUb3wIRXeY7JpfgdVQn28TXbDOjKv.webp)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզային փրկարարական վարչության ճգնաժամային կառավարման կենտրոնը սեպտեմբերի 2-ին, ժամը 13:28-ին ահազանգ է ստացել, որ հրդեհ է բռնկվել Կուտական գյուղի դաշտերում:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ըստ աղբյուրի՝ հրդեհը մեկուսացվել է ժամը 14։33-ին, մարվել՝ 16։42-ին։ Այրվել է մոտ 30 հա հնձած արտ։
Հրդեհաշիջման աշխատանքներին մասնակցել է մեկ տրակտոր։