Հրշեջները մարել են Արմավիրի մարզի Ակնաշեն գյուղում բռնկված հրդեհը
1 րոպեի ընթերցում
![Հրշեջները մարել են Արմավիրի մարզի Ակնաշեն գյուղում բռնկված հրդեհը](http://armenpress.am/resized/480/storage/images/articles/2024/09/02/Q887Wzse4hVML1HKfa1ivdJN62WZ4ne6LPKHZuxE.webp)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Արմավիրի մարզային փրկարարական վարչության ճգնաժամային կառավարման կենտրոնը սեպտեմբերի 2-ին, ժամը 12:48-ին ահազանգ է ստացել, որ Ակնաշեն գյուղի Դեմիրճյան փողոցի տներից մեկին հարակից այրվում է անասնագոմ։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատների երկու մարտական հաշվարկ:
Պարզվել է, որ հրդեհը բռնկվել է տանը հարակից խորդանոցում:
Նշվում է, որ հրդեհը մեկուսացվել է ժամը 13։05-ին, մարվել՝ 13։18-ին։ Այրվել է խորդանոցը (մոտ 18 քմ):