Հայաստանը Իրանին է փոխանցել 5 իրանցի բանտարկյալի

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Հայաստանում բանտարկված Իրանի 5 քաղաքացիներ փոխանցվել են Իրանի Իսլամական Հանրապետությանը: «Արմենպրես»-ի փոխանցմամբ՝ այս մասին հայտնում է IRNA–ն:

Իրանի արդարադատության նախարարության Մարդու իրավունքների և միջազգային հարցերով տեղակալ Ասկար Ջալալիանը հայտարարել է, որ Իրանի քաղաքացիները փոխանցվել են երկու երկրների միջև Դատապարտված անձանց տեղափոխման մասին համաձայնագրի կիրարկումից հետո: 

Նշվում է, որ Հայաստանի կառավարության հետ համագործակցությամբ և Հայաստանում Իրանի դեսպանատան համակարգմամբ չորեքշաբթի՝ օգոստոսի 28–ի կեսօրին Երևանում օդանավակայանում պաշտոնապես հանձնվել են հինգ բանտարկյալներ։

Սա իրանցի բանտարկյալների երրորդ խումբն է, որը վերջին մեկ տարվա ընթացքում փոխանցվել է Իրանին: