Ֆինլանդիան Ուկրաինային թույլատրել է Ռուսաստանին հարվածել արևմտյան զենքով
1 րոպեի ընթերցում
![Ֆինլանդիան Ուկրաինային թույլատրել է Ռուսաստանին հարվածել արևմտյան զենքով](http://armenpress.am/resized/480/storage/images/articles/2024/08/27/jGb2fUXvXzffvyj5EULENlnzx2QxFAmpLuOu6Bp7.webp)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Ֆինլանդիայի նախագահ Ալեքսանդր Ստուբը հայտարարել է, որ Կիևը կարող է Արևմուտքի կողմից փոխանցված զենքն օգտագործել Ռուսաստանի տարածքում պաշտպանական նպատակներով։ Այդ մասին «Արմենպրես»-ը տեղեկանում է «ՌԻԱ Նովոստի» գործակալությունից:
«Եթե ուղղակիորեն պատասխանենք առաջին հարցին, ապա այո, կարող է», - ասել է նա՝ ի պատասխան լրագրողի հարցին՝ արդյոք Կիևը կարող է օգտագործել Արևմուտքի կողմից փոխանցված զենքը Ռուսաստանի տարածքին հարվածներ հասցնելու համար։
Նրա խոսքով՝ Ֆինլանդիան սահմանափակումներ չի դրել, թե Ուկրաինան ինչպես է վարվելու իրեն փոխանցված զենքի հետ, եթե այն օգտագործվի պաշտպանական նպատակներով, և եթե դա համապատասխանի միջազգային իրավունքին։
Ռուսաստանը կարծում է, որ զենքի մատակարարումներն Ուկրաինային խանգարում են հակամարտության կարգավորմանը և ուղղակիորեն ՆԱՏՕ-ի երկրներին ներքաշում են հակամարտության մեջ։