Մեծ Բրիտանիայի բնակիչներին նախազգուշացրել են «ցավոտ» որոշումների մասին
1 րոպեի ընթերցում
![Մեծ Բրիտանիայի բնակիչներին նախազգուշացրել են «ցավոտ» որոշումների մասին](http://armenpress.am/resized/480/storage/images/articles/2024/08/27/ubCEB67Yb1K8A7uMZp6aoJxAytZnydd2o3ZBUGef.webp)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ։ Մեծ Բրիտանիայի վարչապետ Քիր Սթարմերը զգուշացրել է երկրի քաղաքացիներին առաջիկա «ցավոտ» որոշումների մասին, որոնք կհայտարարվեն աշնանը կառավարության ֆինանսական ծրագրի ավանդական ներկայացման ժամանակ։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
Մեծ Բրիտանիայի ֆինանսների նախարար Ռեյչել Ռիվսը խորհրդարանում ելույթ կունենա հոկտեմբերի 30-ին։ Նման ելույթների ժամանակ իշխանությունները հայտարարում են հարկային և բյուջետային ծախսերի փոփոխությունների մասին։
«Անկեղծ կլինեմ ձեզ հետ, բյուջեն քննարկվելու է հոկտեմբերին, և դա ցավալի է լինելու: Մենք այլընտրանք չունենք՝ հաշվի առնելով այն իրավիճակը, որում գտնվում ենք», - հայտարարել է Սթարմերը:
Վարչապետը խոստովանել է, որ իրավիճակը երկրում կշարունակի վատանալ և միայն ավելի ուշ կբարելավվի։