Սթոլթենբերգը օգոստոսի 28-ին ՆԱՏՕ-Ուկրաինա խորհրդի նիստ կգումարի
1 րոպեի ընթերցում
![Սթոլթենբերգը օգոստոսի 28-ին ՆԱՏՕ-Ուկրաինա խորհրդի նիստ կգումարի](http://armenpress.am/resized/480/storage/images/articles/2024/08/27/Ysz6W66tdG8Xps4oH3HYVWeQuUW3Alyq02o5UXWn.webp)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ։ ՆԱՏՕ-ի գլխավոր քարտուղար Յենս Սթոլթենբերգը օգոստոսի 28-ին Կիևի խնդրանքով կհրավիրի ՆԱՏՕ-Ուկրաինա խորհրդի նիստ։ Այդ մասին տեղեկացնում է «Արմենպրես»-ը՝ վկայակոչելով Reuters լրատվական գործակալությունը։
«ՆԱՏՕ-ի գլխավոր քարտուղար Սթոլթենբերգը Ուկրաինայի խնդրանքով ՆԱՏՕ-Ուկրաինա խորհրդի նիստ կգումարի օգոստոսի 28-ին»,- նշված է հաղրոդագրության մեջ։
Ավելի վաղ Սթոլթենբերգը, հետևելով Վաշինգտոնում դաշինքի գագաթնաժողովի շրջանակներում ամենաբարձր մակարդակով ՆԱՏՕ-Ուկրաինա խորհրդի արդյունքներին, ասել էր, որ որոշել է Կիևում դաշինքի բարձր ներկայացուցիչ նշանակել՝ ուկրաինական իշխանությունների հետ աշխատանքները համակարգելու համար։