Թուրքիայում մարդատար ավտոբուս է շրջվել

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Իսպարտայից Անթալիա ուղևորվող մարդատար ավտոբուսը շրջվել է, տուժել է 13 մարդ, որոնցից 8-ը հոսպիտալացվել են: 

«Արմենպրես»-ի փոխանցմամբ՝ այս մասին հայտնում են թուրքական լրատվամիջոցները:

Ստացված տեղեկատվության համաձայն՝ Իսպարտայից Անթալիա մեկնող մարդատար ավտոբուսը՝ 37 հոգով, Էլսազի գյուղի մոտ չի կարողացել շրջադարձ կատարել և շրջվել է: