ՀՀ ՆԳՆ-ն 2024-2026 թթ․բարեփոխումների ռազմավարական ծրագիրը կքննարկվի երիտասարդների հետ
2 րոպեի ընթերցում
![ՀՀ ՆԳՆ-ն 2024-2026 թթ․բարեփոխումների ռազմավարական ծրագիրը կքննարկվի երիտասարդների հետ](http://armenpress.am/resized/480/storage/images/articles/2024/08/12/bPEJ9pKYrB3of5AvfADLUlte3ByTzZ7wn5popG5s.webp)
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Ներքին գործերի նախարարությունը, կարևորելով երիտասարդների մասնակցությունը հանրային կյանքին և որոշումների կայացմանը, ինչպես նաև ՆԳՆ բարեփոխումների գործընթացում ակտիվ ներգրավվածությունը, Ժողովրդավարության զարգացման հիմնադրամի հետ համատեղ, հրավիրում է մասնակցելու 2024-2026 թթ․բարեփոխումների ռազմավարական ծրագրի հանրային քննարկմանը։ Ինչպես «Արմենպրես»-ին տեղեկացրին ՀՀ ներքին գործերի նախարարությունից, հանդիպումը վարելու է Ներքին գործերի նախարարի տեղակալ Արփինե Սարգսյանը:
«Քննարկումը հնարավորություն է ձեր ձայնը լսելի դարձնելու, առաջարկություններով հանդես գալու և Նախարարության զարգացման տեսլականի շրջանակում ձեր կարևոր ներդրումն ունենալու համար։
Հանդիպումը տեղի կունենա օգոստոսի 15-ին, ժամը 14.30-ին, Դիլիջանի «Դուկո» երիտասարդական կենտրոնում։ Մասնակցելու համար խնդրում ենք նախապես գրանցվել՝ զանգահարելով 010 596790 հեռախոսահամարին կամ գրել հաղորդագրություն mia@gov.am էլեկտրոնային փոստին:
Սիրելի՛ երիտասարդներ, դիմում ենք հենց ձեզ և ակնկալում ձեր ակտիվ ներգրավվածությունը՝ ավելի նպատակային ու թիրախավորված գործելու, առկա խնդիրները համատեղ քննարկելու և լուծումներ գտնելու ուղղությամբ»,- ասվում է հայտարարության մեջ։