Իրանի նախագահը հայտարարել է, որ պատրաստ է լարված հարաբերությունների կարգավորման շուրջ բանակցել Արևմուտքի հետ
1 րոպեի ընթերցում
![Իրանի նախագահը հայտարարել է, որ պատրաստ է լարված հարաբերությունների կարգավորման շուրջ բանակցել Արևմուտքի հետ](http://armenpress.am/resized/480/storage/images/articles/2024/07/30/xsXOeN1bfJnUyjYQoUznxUheljUtrnpaPMsNDixs.webp)
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ։ Իրանի նորընտիր նախագահ Մասուդ Փեզեշքիանը երդմնակալության արարողության ժամանակ հայտարարել է, որ պատրաստ է Արևմուտքի հետ բանակցել՝ լարված հարաբերությունների կարգավորման շուրջ:
«Արմենպրես»-ի հաղորդմամբ՝ այս մասին հայտնել է ՏԱՍՍ գործակալությունը։
«Կոչ ենք անում արևմտյան երկրներին գիտակցել փոխադարձ հարգանքի և հավասարության վրա հիմնված հարաբերություններ կառուցելու անհրաժեշտությունը։ Մենք պատրաստ ենք լարվածության կարգավորման շուրջ բանակցություններ վարել այն պետությունների հետ, որոնք մինչ օրս չեն գիտակցել, թե աշխարհում ինչ տեղ է զբաղեցնում Իրանը», - ասել Իրանի նորընտիր նախագահը։