Թուրքիայում հայտնել են ԻՊ-ի հետ կապերի մեջ կասկածվող 70-ից ավելի մարդու ձերբակալության մասին
1 րոպեի ընթերցում
![Թուրքիայում հայտնել են ԻՊ-ի հետ կապերի մեջ կասկածվող 70-ից ավելի մարդու ձերբակալության մասին](http://armenpress.am/resized/480/storage/images/articles/2024/07/25/0OnT60zQlAl2SwHBSgFLbf80IBvYwY2Bsx5j1wKs.webp)
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Թուրքիայի անվտանգության ծառայությունները ձերբակալել են 72 մարդու՝ «Իսլամական պետություն» (ԻՊ) ահաբեկչական խմբավորման հետ կապերի կասկածանքով։ «Արմենպրես»-ի փոխանցմամբ՝ այս մասին հայտնել է հանրապետության ներքին գործերի նախարար Ալի Եռլիկայան։
«13 նահանգներում ԻՊ ահաբեկչական խմբավորման դեմ իրականացված գործողությունների շրջանակներում ձերբակալվել է 72 մարդ։ Մենք ոչ մի ահաբեկչի չենք հանդուրժի», - գրել է նախարարը X սոցիալական ցանցի իր էջում։
Ձերբակալությունները կատարվել են Ադանայում, Անկարայում, Անթալիայում, Ստամբուլում, Տրապիզոնում և Հաթայում և այլ նահանգներում։
Թուրքիայի հատուկ ծառայությունները պարբերաբար գործողություններ են իրականացնում ԻՊ-ի դեմ։ Մեկ տարում Թուրքիայում, ըստ Ներքին գործերի նախարարության տվյալների, խմբավորման հետ կապերի կասկածանքով ձերբակալվել է ավելի քան 3000 մարդ: