368.59
Կոլոռեկտալ քաղցկեղի վաղ հայտնաբերման ծրագրից կօգտվեն նաև քաղցկեղ ունեցողների ազգականները
1 րոպեի ընթերցում
ԵՐԵՎԱՆ,23 ՀՈՒԼԻՍԻ, ԱՐՄԵՆՊՐԵՍ։ Կոլոռեկտալ քաղցկեղի պիլոտային սքրինինգային ծրագիր իրականացնող կազմակերպությունում գրանցված անձի մոտ կոլոռեկտալ քաղցկեղի հաստատվելու դեպքում նրա՝ նույն հաստատությունում գրանցված 35-75 տարեկան առաջին կարգի ազգականները (կենսաբանական ծնողներ, կենսաբանական երեխաներ, հարազատ քույրեր և եղբայրներ) ևս կընդգրկվեն կոլոռեկտալ քաղցկեղի սքրինինգային ծրագրում:
«Արմենպրես»-ի փոխանցմամբ՝ այս մասին հայտնում են ՀՀ առողջապահության նախարարությունից:
«Կոլոռեկտալ քաղցկեղի վաղ հայտնաբերման սքրինինգային փորձարարական ծրագիրն» իրականացվում է հետևյալ բժշկական հաստատություններում`
- ԱՆ «Սուրբ Գրիգոր Լուսավորիչ բժշկական կենտրոն»,
- Երևանի «Արաբկիր առողջության կենտրոն»,
- Երևանի «Ավան» առողջության կենտրոն»,
- Գյումրու «Բեռլին պոլիկլինիկա»,
- «Գյումրու Էնրիկո Մատտեի անվան պոլիկլինիկա»
- «Գյումրու Ն.Ա.Մելիքյանի անվան թիվ 2 պոլիկլինիկա:
Այն դեպքում, եթե տվյալ անձի առաջին կարգի ազգականները գրանցված են տվյալ ԱԱՊ բժշկական հաստատությունում, նրանք առաջնահերթ կընդգրկվեն սքրինինգային ծրագրում, և կիրականացվեն անհրաժեշտ հետազոտությունները:
Բաժանորդագրվեք մեր ալիքին Telegram-ում