ԱՄՆ պետքարտուղարը Հայաստանի և Ադրբեջանի ԱԳ նախարարների հետ ունեցած հանդիպումն արդյունավետ է որակել

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Միացյալ Նահանգների պետքարտուղար Էնթոնի Բլինքենի գնահատմամբ՝ Հայաստանի Հանրապետության արտգործնախարար Արարատ Միրզոյանի և վերջինիս ադրբեջանցի գործընկերոջ հետ Վաշինգտոնում տեղի ունեցած հանդիպումը եղել է արդյունավետ։ 

«Արմենպրես»-ի հաղորդմամբ՝ այս մասին նշված է ԱՄՆ պետքարտուղարի X-ի միկրոբլոգում կատարված գրառման մեջ։

«Այսօր արդյունավետ զրույց ունեցա Հայաստանի արտաքին գործերի նախարար Արարատ Միրզոյանի և Ադրբեջանի արտգործնախարար Ջեյհուն Բայրամովի հետ՝ հայտնելու ԱՄՆ-ի ամուր աջակցությունն՝ ուղղված նրանց երկու երկրների միջև խաղաղության համաձայնագրի՝ հնարավորինս շուտ եզրափակմանը», - գրել է Պետքարտուղար Բլինքենը։

Had a productive conversation with Armenian Foreign Minister @AraratMirzoyan and Azerbaijani Foreign Minister @Bayramov_Jeyhun today to express strong U.S. support for finalizing a peace agreement as soon as possible between their two nations. pic.twitter.com/hVjdMYdo8q

— Secretary Antony Blinken (@SecBlinken) July 10, 2024