Թոմաս Մյուլլերն ավարտում է կարիերան Գերմանիայի հավաքականում
1 րոպեի ընթերցում
![Թոմաս Մյուլլերն ավարտում է կարիերան Գերմանիայի հավաքականում](http://armenpress.am/resized/480/storage/images/articles/2024/07/10/MebuA5vpWDzKgaq3pjs4AdRykShWhNcx3E3zj2r8.webp)
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Գերմանիայի ֆուտբոլի ազգային թիմի երկարամյա կիսապաշտպան Թոմաս Մյուլլերն ավարտում է կարիերան հավաքականում:
«Արմենպրես»-ի հաղորդմամբ` այս մասին գրում է գերմանական Welt-ը: Թոմաս Մյուլլերը ֆուտբոլային կարիերան սկսել է 1993 թվականին: Մյուլլերը խաղացել է Գերմանիայի ազգային թիմի բոլոր տարիքային հավաքականներում: 2014 թվականին հիմնական թիմի կազմում դարձել է ֆուտբոլի աշխարհի առաջնության չեմպիոն:
Ակումբային կարիերան Մյուլլերը հիմնականում անցկացրել է Մյունխենի «Բավարիա»-ի կազմում, որտեղ նորամուտը տոնել է 2008 թվականին: Գերմանիայի ամենատիտղոսակիր ակումբի կազմում կիսապաշտպանը մասնակցել է 470-ից ավելի հանդիպման: Ակումբի հետ նա դարձել է Չեմպիոնների լիգայի, աշխարհի ակումբային առաջնության հաղթող, ՈՒԵՖԱ-ի Սուպերգավաթակիր, Գերմանիայի գավաթակիր, Սուպերգավաթակիր: