Գեղարքունիքի մարզի բուժհաստատություններում 2024 թվականի հունիսին ծնվել է 99 երեխա
1 րոպեի ընթերցում
![Գեղարքունիքի մարզի բուժհաստատություններում 2024 թվականի հունիսին ծնվել է 99 երեխա](http://armenpress.am/resized/480/storage/images/articles/2024/07/02/W08m1AEEhcS2jE2QTC0HHzImzOWm0yA9bnzCJkdC.webp)
ԳԱՎԱՌ, 2 ՀՈՒԼԻՍԻ, ԱՐՄԵՆՊՐԵՍ։ 2024 թվականի հունիսին Գեղարքունիքի մարզային ենթակայության ծննդօգնություն իրականացնող առողջապահական հիմնարկներում ծնվել է 99 երեխա՝ 55 տղա, 44 աղջիկ:
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմից, 99 երեխայից 34-ը ծնվել է Մարտունու ծննդատանը, 22-ը՝ Գավառի, 28-ը՝ Սևանի, 11-ը՝ Վարդենիսի բժշկական կենտրոններում և 4-ը՝ Ճամբարակի առողջության կենտրոնում։
20233 թվականի հունիս ամսին Գեղարքունիքի մարզի ծննդօգնություն իրականացնող բուժհիմնարկներում ծնվել է 76 երեխա՝ 39 տղա և 37 աղջիկ։
Խոսրով Խլղաթյան