Համաշխարհային տնտեսական ֆորումի պաշտոնյան անդրադարձել է ՀՀ արտաքին գործերի նախարարի հետ հանդիպմանը
1 րոպեի ընթերցում
![Համաշխարհային տնտեսական ֆորումի պաշտոնյան անդրադարձել է ՀՀ արտաքին գործերի նախարարի հետ հանդիպմանը](http://armenpress.am/resized/480/storage/images/articles/2024/06/30/3DWhu0IwvgxiI5A6JudNg4d0ZKoV1bfcCk1RJoiq.webp)
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Համաշխարհային տնտեսական ֆորումի Եվրոպայի և Եվրասիայի բաժնի ղեկավար Էնդրյու Կարուանա Գալիցիան X-ի իր միկրոբլոգում անդրադարձել է Դուբրովնիկի համաժողովի շրջանակներում ՀՀ արտաքին գործերի նախարար Արարատ Միրզոյանի հետ հանդիպմանը։
«Արմենպրես»-ի հաղորդմամբ՝ Էնդրյու Կարուանա Գալիցիան գրել է. «Շատ հաճելի էր ծանոթանալ ձեզ հետ՝ Արարատ Միրզոյան, ինչպես նաև տեղեկանալ Հայաստանի «Խաղաղության խաչմերուկ» նախաձեռնության և Երևանի երկխոսության հետ կապված ձեր ծրագրերի մասին և խոսել այն մասին, թե ՀՏՖ-ն նչպես կարող է նպաստել երկուսին էլ»:
Նա նաև տեղադրել է Միրզոյանի հանդիպումների մասին լուսանկարների շարք՝ որն X-ում տեղադրել է ՀՀ ԱԳՆ մամուլի խոսնակ Անի Բադալյանը։
It was a great pleasure to meet you @AraratMirzoyan, and to learn about Armenia’s Crossroads of Peace initiative and your plans for the Yerevan Dialogue and to talk about how @wef can contribute to both. https://t.co/z9LgYEcaa0
— Andrew Caruana Galizia (@acaruanagalizia) June 30, 2024