Ֆրանսիայի դեսպանը այցելել է Սպիտակ քաղաք, հարգանքի տուրք մատուցել երկրաշարժի զոհերի հիշատակին
1 րոպեի ընթերցում
![Ֆրանսիայի դեսպանը այցելել է Սպիտակ քաղաք, հարգանքի տուրք մատուցել երկրաշարժի զոհերի հիշատակին](http://armenpress.am/resized/480/storage/images/articles/2024/06/28/36A9kuiBoDP3KZpXchhhzVHtAIBS9rAm4jj5mIhg.webp)
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ։ Հայաստանում Ֆրանսիայի դեսպան Օլիվիե Դըկոտինյին այցելել է Սպիտակ քաղաք և հարգանքի տուրք մատուցել 1988 թվականի դեկտեմբերի 7-ի երկրաշարժի զոհերի հիշատակին։ «Արմենպրես»-ի հաղորդմամբ՝ դեսպանն այս մասին գրել է X-ի իր միկրոբլոգում։
«Սպիտակ քաղաքը եղել է 1988թ. դեկտեմբերի 7-ին Հայաստանում տեղի ունեցած սարսափելի երկրաշարժի էպիկենտրոնը։ Քաղաքը ոտքի է կանգնել և բազմաթիվ ծրագրեր է իրականացնում։ Շնորհակալություն քաղաքապետ պարոն Քաջայր Նիկողոսյանին և սպիտակցիներին իրենց ընդունելության և այս կյանքի դասի համար»,- գրել է դիվանագետը։
Նա նաև այցելել է Սպիտակի Դանիել Սահակյանի անվան դպրոց, որը վերանորոգվել ֆրանսիական մի շարք կազմակերպությունների կողմից։
«30 տարի առաջ այս դպրոցի հիմնադրումից ի վեր ֆրանսիական աջակցությունը չի դադարում»,-գրել է նա։
Սպիտակի Դանիել Սահակյանի անվան դպրոցում, որը վերանորոգվել է Հույս Հայաստանի համար, SPFA, Քրիստոնեական գործողություն արևելքում կազմակերպությունների և Հարավային տարածաշրջանի աջակցությամբ։
— Olivier Decottignies (@O_Decottignies) June 28, 2024
30 տարի առաջ դպրոցի ստեղծումից ի վեր Ֆրանսիան շարունակում է աջակցությունը: pic.twitter.com/ip9OEg11Lv