1 րոպեի ընթերցում
MADRID, 12/06/2024.- El presidente del Gobierno, Pedro Sánchez, durante su intervención en la sesión de control al Ejecutivo este miércoles en el Congreso. EFE/ Fernando Alvarado
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ։ Իսպանիայի վարչապետ Պեդրո Սանչեսը եվրոպական բոլոր երկրներին կոչ է արել ճանաչել Պաղեստինը որպես պետություն՝ համարելով, որ դա է հակամարտությունը լուծելու միակ ճանապարհը։
«Մենք կոչ ենք անում եվրոպական բոլոր երկրներին ճանաչել Պաղեստինը, քանի որ, մեր կարծիքով՝ հակամարտությունը այլ լուծում չունի», - «Արմենպրես»-ի հաղորդմամբ՝ այս մասին Սանչեսն ասել է Իսպանիայում Թուրքիայի նախագահ Ռեջեփ Թայիփ Էրդողանի հետ համատեղ ասուլիսի ընթացքում։
Նա ընդգծել է, որ Մադրիդը գործադրում է բոլոր ջանքերը՝ դադարեցնելու արյունահեղությունը Գազայի հատվածում։
Իր հերթին, Թուրքիայի նախագահ Ռեջեփ Թայիփ Էրդողանն էլ կարևոր է համարել Պաղեստինը ճանաչելու Իսպանիայի որոշումը՝ կոչ անելով մյուս երկրներին հետևել Մադրիդի օրինակին։
Նորվեգիան, Իսպանիան և Իռլանդիան մայիսի 28-ին Պաղեստինը պաշտոնապես ճանաչել են որպես անկախ պետություն։
Իսպանիայի վարչապետ Պեդրո Սանչեսը նույնպես հայտարարել է, որ իր երկիրը ճանաչում է Պաղեստինի անկախ պետությունը՝ 1967 թվականի սահմաններով և Արևելյան Երուսաղեմում նրա մայրաքաղաքով։