Հասարակական

Աննա Հակոբյանը հունիսմեկյան նվերներ է մատուցել տարբեր մանկատների և զբաղվածության կենտրոնների սաներին, մասնակցել տոնական միջոցառումների

6 րոպեի ընթերցում

Աննա Հակոբյանը հունիսմեկյան նվերներ է մատուցել տարբեր մանկատների և զբաղվածության կենտրոնների սաներին, մասնակցել տոնական միջոցառումների

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ։ Հայաստանի վարչապետի տիկին Աննա Հակոբյանը հունիսի 4-ին այցելել է Երևանի «Զատիկ» երեխաների աջակցության կենտրոն:

«Արմենպրես»-ի փոխանցմամբ՝ այս մասին հաղորդագրություն է տարածել Աննա Հակոբյանի գրասենյակը։

Երեխաները վարչապետի տիկնոջը դիմավորել են աղավնի փուչիկներով, ապա դրանք միասին բաց են թողել երկինք` խաղաղության իղձով:

Տոնական հանդեսից հետո կենտրոնի սաները Աննա Հակոբյանից ստացել են իրենց համար նախատեսված նվերները:

a1.jpg (614 KB)

Հյուրերի շարքում էր նաև 44-օրյա պատերազմում զոհված հերոս Գևորգ Արշակյանի մայրը` Վճռաբեկ դատարանի դատավոր Նաիրա Հովսեփյանը:

Վարչապետի տիկինը կենտրոնի տնօրեն Անգելինա Արշակյանի ուղեկցությամբ շրջել է տարածքում, ծանոթացել պայմաններին:

«Զատիկ» երեխաների աջակցության կենտրոնն իրականացնում է կյանքի դժվարին իրավիճակում հայտնված 50 երեխայի շուրջօրյա և 100 երեխայի ցերեկային խնամք:

Կենտրոնում գործում են նկարչաթերապիայի, տիկնիկաթերապիայի, կավագործության, հաղորդավարության, երգի ու պարի, այժմ նաև սպորտի խմբակներ: Կենտրոնի սաները ներկայացումներով հանդես են գալիս մի շարք կենտրոններում:

a3.jpg (561 KB)

Կենտրոնի բակում արվեստի փոքրիկ անկյուն էր բացվել. ցուցահանդեսում ներկայացված էին սաների ձեռքի աշխատանքները` նկարներ, կավե իրեր, քանդակներ և այլն:

Անգելինա Արշակյանը ԱՆնա Հակոբյանին է ներկայացրել նաև բարեկարգված այգին, որտեղ կենտրոնի բոլոր սաներն ունեն իրենց անունով տնկված ծառեր:

Այցի ավարտին Աննա Հակոբյանը ծառ է տնկել կենտրոնի տարածքում կառուցվող պատերազմների զոհերի հիշատակի պուրակում: Աննա Հակոբյանին այդ գործում օգնել են կենտրոնի տղա սաները:

Հաջորդ կանգառը Գավառի մանկատանն էր: Այստեղ ևս տոնական մթնոլորտ էր: Մանկատան սաները երաժշտական ու պարային համարներ էին պատրաստել հյուրերի համար:

Վարչապետի տիկին Աննա Հակոբյանը Գեղարքունիքի մարզպետ Կարեն Սարգսյանի և մանկատան տնօրեն Նաիրա Խանդանյանի ուղեկցությամբ շրջել է մանկատանը, ծանոթացել սաների ձեռքի աշխատանքներին, շփվել երեխաների հետ:

Մանկատան տնօրենը Աննա Հակոբյանին ուղեկցել է կացարանային մասնաշենք, ծանոթացրել սենյակային պայմաններին: Նաիրա Խանդանյանը տեղեկացրել է, որ հաջորդ տարի այդ մասնաշենքը հիմնանորոգման է ենթարկվելու:

a5.jpg (469 KB)

Մանկատան սաները վարչապետի տիկնոջը ցույց են տվել նաև իրենց գրադարանը, պատմել են սիրած գրքերի մասին: Աննա Հակոբյանը երեխաներին հորդորել է շատ կարդալ և լավ սովորել:

Վարչապետի տիկինը շրջել է նաև մանկատան խոհանոցում, ծանոթացել ճաշացանկին և երեխաների հետ համտեսել օրվա ճաշը` ամառային տոլմա:

Գավառի մանկատանն այս պահին խնամք է ստանում 4-18 տարեկան 69 երեխա։

Հաստատությունում գործում են կարողությունների զարգացմանն ուղղված մասնագիտական ծառայություններ, այդ թվում՝ սոցիալ-հոգեբանական, արտթերապիայի, տիկնիկաթերապիայի, գորգագործության և այլն։

Երեխաներն առավելագույնս դուրս են գալիս հաստատությունից և համայնքում մասնակցում են տարբեր խմբակների՝ չզրկվելով լիարժեք ինտեգրման հնարավորությունից։

Վանաձոր քաղաքի «Սաբինե» երեխաների խնամքի կենտրոնը Աննա Հակոբյանի վերջին կանգառն էր: Վարչապետի տիկնոջն աղ ու հացով դիմավորել է 9-ամյա Նորայր Հակոբյանը, ում հետ վարչապետի տիկինը նախորդ այցի ժամանակ էր ծանոթացել ու մտերմացել:

Նորայրն ու իր ընկերներն Աննա Հակոբյանի, Լոռու մարզպետ Արամ Ղազարյանի համար կարճ շրջայց են կազմակերպել, ցույց են տվել իրենց ննջասենյակները, ժամանցի սենյակը և նաև աշխատասենյակը, որտեղ իրենք վարսավիրություն են սովորում, ձեռագործ զարդեր են պատրաստում, զբաղվում են կար ու ձևով` կարում են էկոպայուսակներ, շապիկներ, գոգնոցներ և այլն:

Կարճ շրջայցից հետո վարչապետի տիկինը երեխաների հետ կենտրոնի բացօթյա հատվածում զրուցել է նրանց հետաքրքրությունների, կրթության, ապագայի մասին:

«Սաբինե» խնամքի կենտրոնում այս պահին ծնողական խնամքից զրկված 8 երեխա է ապրում: Կենտրոնն առավելագույնը 10 երեխայի շուրջօրյա խնամքի հնարավորություն ունի: Սաները կենտրոնում կարող են ապրել մինչև 18 տարեկան, որոշ բացառիկ դեպքերում մինչև 20 տարեկան: Շատ են դեպքերը, երբ կենտրոնի սաները վերադառնում են կենսաբանական ընտանիքներ, որդեգրվում են կամ տեղափոխվում խնամակալ ընտանիքներ: «Սաբինե» կենտրոնը ստեղծվել է 2018-ին, ֆինանսավորվում է «Կարիտաս Ավստրիա» բարեսիրական հասարակական կազմակերպության կողմից:

Երեխաների պաշտպանության միջազգային օրվա առիթով վարչապետ Նիկոլ Փաշինյանի և տիկին Աննա Հակոբյանի անունից նվերներ են հանձնվել Հանրապետության 12 մանկատների, աջակցության ու զբաղվածության կենտրոնների 1223 երեխաների: Նվերները ձեռք են բերվել վարչապետի ֆոնդի միջոցներով:

Վարչապետի տիկինն օրվա ավարտին այցելել է նաև Վանաձորում գործող Շամամ Խաչատրյանի փոքրիկ արտադրամաս-սրճարան: Շամամ Խաչատրյանը, բիզնեսը հիմնելուց երկու տարի անց, վարչապետի ֆոնդի միջոցներով մեկնել է Փարիզ՝ վերապատրաստման, ինչը Շամամ Խաչատրյանի երազանքն է եղել: Փորձի փոխանակումը շատ բան է տվել գործարարին, և անգամ ինքն է որոշ հայկական բաղադրատոմսեր սովորեցրել ֆրանսիացի գործընկերներին:

Այնուհետև Աննա Հակոբյանը շրջել է Վանաձորի փողոցներով, զրուցել քաղաքացիների հետ:

Աննա Հակոբյանը Հայաստանում հավատարմագրված դիվանագետներին է ներկայացրել «Իմ քայլը» բարեգործական հիմնադրամի գործունեությունը

Հայաստան

Աննա Հակոբյանը Հայաստանում հավատարմագրված դիվանագետներին է ներկայացրել «Իմ քայլը» բարեգործական հիմնադրամի գործունեությունը

42 սկսնակ կին գործարարները ստացել են 1 մլն դրամ դրամաշնորհի հավաստագրերը և կնքել են պայմանագրերը

Հայաստան

42 սկսնակ կին գործարարները ստացել են 1 մլն դրամ դրամաշնորհի հավաստագրերը և կնքել են պայմանագրերը

Աննա Հակոբյանը մանկատան երկու սաների հետ մեկնում է ծով՝ իրականացնելու երեխաների երազանքը

Վարչապետ

Աննա Հակոբյանը մանկատան երկու սաների հետ մեկնում է ծով՝ իրականացնելու երեխաների երազանքը

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

Հասարակական

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

Հասարակական

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Հասարակական

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Հասարակական

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Արմավիրի մարզի Ծաղկալանջ գյուղում ավտոմեքենա է այրվել

Հասարակական

Արմավիրի մարզի Ծաղկալանջ գյուղում ավտոմեքենա է այրվել

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

Հասարակական

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

«Հայկական Ավիաուղիներ»-ը կթռչեն Ուֆա

Հասարակական

«Հայկական Ավիաուղիներ»-ը կթռչեն Ուֆա

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում