Գեղարքունիքի մարզի կրտսեր տարիքի բռնցքամարտիկները 10 մեդալ են նվաճել ՀՀ բռնցքամարտի մանկապատանեկան առաջնությունում
1 րոպեի ընթերցում
ԳԱՎԱՌ, 24 ՄԱՅԻՍԻ, ԱՐՄԵՆՊՐԵՍ։ Գեղարքունիքի մարզի կրտսեր տարիքի բռնցքամարտիկները 10 մեդալ են նվաճել ՀՀ բռնցքամարտի մանկապատանեկան առաջնությունում։
Ինչպես «Արմենպրես»-ը տեղեկացավ ՀՀ Գեղարքունիքի մարզի բռնցքամարտի ֆեդերացիայի նախագահ Գևորգ Սարգսյանից, Գեղարքունիքի մարզից բռնցքամարտի հանրապետական առաջնությանը մասնակցել են 20 հոգի, որոնցից 2-ը նվաճել են ոսկե, 4-ը՝ արծաթե և 4-ը՝ բրոնզե մեդալներ։
Կրտսեր տարիքի պատանիներից ոսկե մեդալով են տուն վերադարձել վարդենիկցի Աննա Մանուկյանը և սևանցի Կարինե Դալլաքյանը, արծաթե մեդալով՝ վարդենիկցի Ալեքս Ալեքսանյանը, ճամբարակցի Դավիթ Կիրակոսյանը, Գավառի մանկատան սան Ռուզաննա Շավրեշյանը, մարտունեցի Մերի Մանջոյանը։ Բրոնզե մեդալ են նվաճել մարտունեցի Սաթի Գրիգորյանը, լիճքեցիներ Տիգրան Բաղդասարյանը և Էրիկ Մնոյանը, արտանիշցի Արամայիս Գևորգյանը։
Մրցանակակիրներից Կարինե Դալլաքյանը ՀՀ կրտսեր տարիքի պատանիների հավաքականի կազմում կմասնակցի Եվրոպայի առաջնությանը։
Խոսրով Խլղաթյան