Մոնթե Մելքոնյանի անվան ռազմամարզական վարժարանի ներկայացուցիչները հանդիպումներ են ունեցել Գեղարքունիքի մարզի համայնքներում
1 րոպեի ընթերցում
![Մոնթե Մելքոնյանի անվան ռազմամարզական վարժարանի ներկայացուցիչները հանդիպումներ են ունեցել Գեղարքունիքի մարզի համայնքներում](http://armenpress.am/resized/480/static/news/b/2024/05/1136602.jpg)
ԳԱՎԱՌ, 8 ՄԱՅԻՍԻ, ԱՐՄԵՆՊՐԵՍ։ Մոնթե Մելքոնյանի անվան ռազմամարզական վարժարանի ուսումնական գծով փոխտնօրեն Արթուր Կարապետյանը և վարժարանի սաները, Գեղարքունիքի մարզպետի աշխատակազմի աջակցությամբ հանդիպումներ են ունեցել մարզի Գավառ, Սևան և Ճամբարակ համայնքների հանրակրթական դպրոցների 9-րդ դասարանցիների, նրանց ծնողների, ՆԶՊ առարկան դասավանդող ուսուցիչների հետ։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմից, մասնագիտական կողմնորոշման և կրթական իրազեկման շրջանակներում վարժարանի փոխտնօրենը և սաները հանդիպման մասնակիցներին ներկայացրել են վարժարանի ընդունելության կարգը, գործող պայմանները, վարժարանի և զինվորական մասնագիտության առավելությունները, կրթական առաջնահերթությունները։
Վարժարանի սաները խոսել են նաև վարժարանում իրենց հագեցած առօրյայի մասին, կիսվել տպավորություններով և կարծիքներով։
Հանդիպումների ավարտին մասնակիցները վարժարանի ներկայացուցիչներից ստացել են իրենց հուզող հարցերի պատասխանները։
Խոսրով Խլղաթյան