Բունդեսթագի պատգամավորի կարծիքով՝ ԵՄ-ին Հայաստանի անդամակցությունը բխում է հենց ԵՄ-ի շահերից
1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ։ Գերմանիայի Բունդեսթագի Եվրոպական միության հարցերով հանձնաժողովի նախագահ Թոնի Հովրեյթերը կարծիք է հայտնել, որ մի շարք երկրների, այդ թվում՝ Հայաստանի Եվրամիության անդամ դառնալը բխում է հենց ԵՄ-ի անվտանգության քաղաքականության շահերից։
«Արմենպրես»-ի փոխանցմամբ՝ այս մասին նշվում է «Կանաչները Բունդեսթագում» X-ի միկրոբլոգում տարածած հաղորդագրության մեջ։
«Եվրամիության անդամ դառնալը բխում է ոչ միայն Ուկրաինայի, բալկանյան երկրների, Վրաստանի, Հայաստանի և Մոլդովայի Հանրապետության շահերից, այլ նաև մեր իսկ անվտանգության քաղաքականության շահերից»,- գրել է նա։
Es ist nicht nur im Interesse der Ukraine, der Balkanstaaten, Georgiens, Armeniens oder der Republik Moldau, dass sie Mitglieder der Europäischen Union werden, sondern auch in unserem eigenen sicherheitspolitischen Interesse.
– @ToniHofreiter pic.twitter.com/EbaOFZZXtm
— Grüne im Bundestag (@GrueneBundestag) April 25, 2024