Քաղաքականություն

Հույս ունեմ, որ Եվրոպան ապագայում Հայաստանը կդիտարկի որպես եվրոպական քաղաքակրթության մի մաս․ Շվեդիայի խորհրդարանի պատգամավոր

4 րոպեի ընթերցում

Հույս ունեմ, որ Եվրոպան ապագայում Հայաստանը կդիտարկի որպես եվրոպական քաղաքակրթության մի մաս․ Շվեդիայի խորհրդարանի պատգամավոր

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ։ Շվեդիայի խորհրդարանի պատգամավոր Էրիկ Հելսբորնը հույս ունի, որ Եվրոպան ապագայում Հայաստանը կդիտարկի որպես եվրոպական մշակութային ընտանիքի և արևմտյան ժողովրդավարական քաղաքակրթության մի մասը։ Այս համատեքստում նա կարևորեց ապրիլի 5-ին Բրյուսելում տեղի ունեցած Հայաստան-ԵՄ-ԱՄՆ բարձր մակարդակի հանդիպումը։

Շվեդ պատգամավորն այդ մասին ասաց «Արմենպրես»-ի հետ զրույցում՝ խոսելով Հայաստանի և Եվրոպական Միության միջև հարաբերությունների խորացման, ինչպես նաև Հարավային Կովկասի անվտանգության և բարգավաճման գործում ԵՄ-ի ունեցած դերակատարության մասին։

Էրիկ Հելսբորնը, խոսելով Հայաստանի դեմ Ադրբեջանի շարունակական ագրեսիվ հայտարարությունների, այդ երկրի կողմից Հայաստանի տարածքներ օկուպացնելու ու այդ գործողությունների հետևանքով Եվրոպական Միության կողմից Ադրբեջանի նկատմամբ հնարավոր պատժամիջոցների կիրառման մասին, ընդգծեց, որ Եվրոպական Միությունում կան գործիչներ, որոնք, տնտեսական պատճառներից ելնելով, չեն ցանկանում դիմակայության մեջ մտնել Ալիևի ռեժիմի հետ՝ շեշտելով, որ ինքը դրանց թվում չէ։

Նա հայտարարեց, որ այս տարվա փետրվարին Շվեդիայի Թագավորության արտաքին գործերի նախարար Թոբիաս Բիլստրյոմին ուղղված նամակում առաջարկել է Հայաստանի նկատմամբ ադրբեջանական ագրեսիայի շարունակման պարագայում քննարկել Ադրբեջանի դեմ պատժամիջոցներ կիրառելու հարցը։

Շվեդիայի ԱԳ նախարարին ուղղված նամակում Էրիկ Հելսբորնը մասնավորապես նշել է․

«Փետրվարի 13-ի վաղ առավոտյան ադրբեջանցի զինվորականները կրակ են բացել Հայաստանի հետ սահմանին՝ սպանելով 4 հայ զինծառայողի (խմբ․ 2023 թվականի փետրվարի 13-ին Ադրբեջանը մի քանի ժամ կրակել էր Սյունիքի մարզի Ներքին Հանդ բնակավայրի հատվածում տեղակայված հայկական դիրքերի ուղղությամբ, ինչի հետևանքով ՀՀ ԶՈՒ 4 զինծառայող էր զոհվել): Այն հույսերը, որ Ադրբեջանն ավելի զուսպ դիրքորոշում կորդեգրի անցած աշնանը Լեռնային Ղարաբաղի վիճելի տարածաշրջանի նկատմամբ վերահսկողություն հաստատելուց հետո, համարվում են ամոթալի: Ադրբեջանի նախագահ Ալիևը հայտարարել է, որ Հայաստանը չպետք է գոյություն ունենա՝ որպես անկախ երկիր, և որ նրա տարածքն «Արևմտյան Ադրբեջան» է: Սահմանային ագրեսիան պետք է դիտարկել այս համատեքստում։ Չափազանց ցավալի կլիներ, եթե իրավիճակը վերաճեր ավելի մեծ բռնության կամ նույնիսկ նոր պատերազմի։ Դա կհանգեցնի հսկայական մարդկային տառապանքի, և դրանից պետք է խուսափել: Արտաքին աշխարհը՝ ներառյալ Շվեդիան, պետք է հանդես գա Ադրբեջանի իմպերիալիստական հռետորաբանության և ռազմական բռնության դեմ, օրինակ ՝ երկրի դեսպանին կանչելով բանակցությունների: Եթե բարելավումներ չլինեն, պետք է քննարկել երկրի դեմ պատժամիջոցները»։

Անդրադառնալով Հայաստանում գործող ԵՄ դիտորդական առաքելության գործունեությանը՝ Հելսբորնը գոհունակություն հայտնեց ԵՄ դիտորդական առաքելության աշխատանքի առնչությամբ և հավելեց, որ առաքելությունը պետք է շարունակի իր լավ աշխատանքը։ Շվեդ պատգամավորը դրական համարեց դիտորդների թվաքանակն ավելացնելու որոշումը։

«Արևմտյան լրատվամիջոցները, իրավապաշտպան խմբերը և քաղաքական գործիչները, ինչպիսին ես եմ, պետք է շարունակեն ուշադրություն դարձնել ագրեսիայի ցանկացած դրսևորման և համոզվեն, որ աշխարհը տեղյակ է, թե ինչ է տեղի ունենում»,-ընդգծեց պատգամավորը՝ կարևորելով հատկապես ավելի սերտ տնտեսական և մշակութային համագործակցությունը ժողովրդավարական Արևմուտքի և Հայաստանի միջև։

Նա նաև կարծիք հայտնեց, որ Ադրբեջանի նման ագրեսոր երկրները որևէ երկրի վրա հարձակվելու ցանկության դեպքում երկմտանքի մեջ կլինեն, եթե հավաքական Արևմուտքը հարձակման սպառնալիքի առաջ կանգնած երկրին համարի «իրենցից մեկը»։

Դավիթ Մամյան

Հայաստանի օլիմպիական հավաքականը հյուրընկալվել էր ԿԳՄՍՆ-ում

Սպորտ

Հայաստանի օլիմպիական հավաքականը հյուրընկալվել էր ԿԳՄՍՆ-ում

ՀՀ-ում ԵՄ դեսպանը ցավակցություն է հայտնել Եղվարդում ինքնաթիռի վթարի հետևանքով զոհվածների հարազատներին

Հայաստան

ՀՀ-ում ԵՄ դեսպանը ցավակցություն է հայտնել Եղվարդում ինքնաթիռի վթարի հետևանքով զոհվածների հարազատներին

Կլինեն համագործակցության նոր տարրեր, որոնք կնպաստեն Հայաստանի անվտանգությանը. ԵՄ դեսպան

Քաղաքականություն

Կլինեն համագործակցության նոր տարրեր, որոնք կնպաստեն Հայաստանի անվտանգությանը. ԵՄ դեսպան

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

Մշակույթ

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

«Հայկական Ավիաուղիներ»-ը օգոստոսի 9-ից կգործարկի Երևան-Կազան-Երևան երթուղով կանոնավոր չվերթ

Ռուսաստան

«Հայկական Ավիաուղիներ»-ը օգոստոսի 9-ից կգործարկի Երևան-Կազան-Երևան երթուղով կանոնավոր չվերթ

Երևանի մետրոպոլիտենի գլխավոր տնօրենի ժ/պ-ն ընդունել է Հայաստանում Եվրոպական միության պատվիրակության ղեկավարին

Երևան

Երևանի մետրոպոլիտենի գլխավոր տնօրենի ժ/պ-ն ընդունել է Հայաստանում Եվրոպական միության պատվիրակության ղեկավարին

Քաղաքաշինական թույլտվությունների տրամադրման գործընթացը 4 մարզերում իրականացվելու է բացառապես էլեկտրոնային եղանակով

Մարզեր

Քաղաքաշինական թույլտվությունների տրամադրման գործընթացը 4 մարզերում իրականացվելու է բացառապես էլեկտրոնային եղանակով

ՀՀ-ում Իրանի դեսպանը հայտարարել է, որ առաջիկայում Թուրքիայում կայանալու է «3+3» հարթակի հաջորդ հանդիպումը

Քաղաքականություն

ՀՀ-ում Իրանի դեսպանը հայտարարել է, որ առաջիկայում Թուրքիայում կայանալու է «3+3» հարթակի հաջորդ հանդիպումը

Հայաստանում զգալիորեն աճել է պարսկերենի նկատմամբ հետաքրքրությունը. Իրանի դեսպան

Տուրիզմ

Հայաստանում զգալիորեն աճել է պարսկերենի նկատմամբ հետաքրքրությունը. Իրանի դեսպան

Կոտայքի մարզում մի խումբ մարդիկ ոստիկանների նկատմամբ բռնություն են գործադրել. 6 անձ ձերբակալվել է

Իրավունք

Կոտայքի մարզում մի խումբ մարդիկ ոստիկանների նկատմամբ բռնություն են գործադրել. 6 անձ ձերբակալվել է

Եղվարդում ինքնաթիռի վթարի դեպքի առթիվ նախաձեռնվել է քրեական վարույթ․ ՔԿ

Իրավունք

Եղվարդում ինքնաթիռի վթարի դեպքի առթիվ նախաձեռնվել է քրեական վարույթ․ ՔԿ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում