Հայաստանի մարմնամարզության առաջնությունների չեմպիոնները հայտնի են
1 րոպեի ընթերցում
![Հայաստանի մարմնամարզության առաջնությունների չեմպիոնները հայտնի են](http://armenpress.am/resized/480/static/news/b/2024/03/1132340.jpg)
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հայաստանի մարմնամարզության կանանց և տղամարդկանց 2024 թվականի առաջնությունների հաղթողները հայտնի են:
«Արմենպրես»-ի հաղորդմամբ` Ալբերտ Ազարյանի անվան մարզադպրոցում կայացած առաջնության մրցումային վերջին օրը կայացան առանձին գործիքների եզրափակիչները: Տղամարդկանց մրցաշարում Հայաստանի չեմպիոններն են` Գագիկ Խաչիկյանը (նժույգ-թափեր), Գագիկ Խաչատրյանը (ազատ վարժություններ), Վահագն Դավթյանը (օղակներ), Էրիկ Բաղդասարյանը (զուգափայտ), Արթուր Դավթյանը (հենացատկ), Շեքսպիր Գևորգյանը (պտտաձող):
Կանանց մրցումներում լավագույնները Աննա Մանթաշյանը (հավասարակշռության գերան, ազատ վարժություններ), Օֆելյա Քոչարյանը (հենացատկ) և Մանե Պողոսյանը (զուգափայտ) են:
Բազմամարտում Հայաստանի չեմպիոնները Գագիկ Խաչիկյանն և Նանե Միքայելյանն են: