Քաղաքականություն

Հայաստանի և Ֆրանսիայի միջև ռազմական համագործակցությունը համակարգային և հեռահար բնույթ ունի․ Պապիկյան

2 րոպեի ընթերցում

Հայաստանի և Ֆրանսիայի միջև ռազմական համագործակցությունը համակարգային և հեռահար բնույթ ունի․ Պապիկյան

ԵՐԵՎԱՆ,23 ՓԵՏՐՎԱՐԻ, ԱՐՄԵՆՊՐԵՍ։ Հայաստանի և Ֆրանսիայի միջպետական հարաբերություններում իր կարևոր դերակատարումն ունի պաշտպանության ոլորտում համագործակցությունը։ Ինչպես տեղեկացնում է «Արմենպրես»-ը, այս մասին հայտարարեց Հայաստանի Հանրապետության պաշտպանության նախարար Սուրեն Պապիկյանը՝ Ֆրանսիայիզինված ուժերի նախարար ՍեբաստիենԼըկորնյուի հետ համատեղ ասուլիսի ժամանակ։

«Մեզ համար մեծ պատիվ է պատմության ընթացքում առաջին անգամ Հայաստանում հյուրընկալել բարեկամ Ֆրանսիայի զինված ուժերի նախարարին։ Հայ և ֆրանսիացի ժողովուրդների ընդհանուր արժեքների վրա հիմնված միջպետական հարաբերությունների շրջանակները մեր պետությունների ղեկավարների՝ վարչապետ Նիկոլ Փաշինյանի, նախագահ Էմանուել Մակրոնի առաջնահերթ ուշադրության ներքո օրըստօրե ընդլայնվում են, որոնցում իր կարևոր դերակատարումն ունի պաշտպանության ոլորտում համագործակցությունը։

Ֆրանսիայի զինված ուժերի նախարարի այցը վկայությունն է մի բանի, որ, թեև Հայաստանի և Ֆրանսիայի միջև ռազմական համագործակցության գործնական փուլը երկու տարին չի բոլորել, մեր համատեղ ջանքերի շնորհիվ այն արդեն իսկ համակարգային և հեռահար բնույթ ունի»,- նշեց Պապիկյանը։

Օգտվելով առիթից՝ Հայաստանի պաշտպանության նախարարը շնորհակալություն հայտնեց ֆրանսիացի գործընկերներին և պարոն Լըկորնյուին՝ համագործակցության զարգացման գործում ցուցաբերվող պատրաստակամության և անձնական ներդրման համար։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում