1 րոպեի ընթերցում
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայաստանի պարի պետական անսամբլը հյուրախաղերով կներկայանա Սաուդյան Արաբիայում։ Հիմնադրման 65-ամյակին անսամբլը հրավեր է ստացել հունվարի 18-28-ը մասնակցելու «Qemam International Festival for Mountain Performance Arts» («Քեմամ» լեռնային կատարողական արվեստի միջազգային փառատոն) միջոցառմանը։
«Արմենպրես»-ի հաղորդմամբ՝ գլխավոր բալետմայստեր Ասատուր Քալաշյանի ղեկավարությամբ պարողները ելույթ կունենան երրորդ ամենամյա փառատոնի ութ տարածքներում։
Այդ վայրերն են Բաստա Ալ-Քաբիլը, Աբու Շահրա պալատը Ալ Մասկիում, Շամսան ամրոցը, Բին Ադվան ժառանգության գյուղը, Մալիք պատմական պալատը, Ալ-Մուշեյթ պալատները և Աբու Նուկաթա Ալ-Մութահմիի ամրոցները:
Պարի պետական անսամբլը տեղի հանդիսատեսին կներկայացնի հայ պարն իր ողջ ներկապնակով ու գեղեցկությամբ՝ տարածելով հայկական մշակույթը Սաուդյան Արաբիայում։ Սպասվում է բոլորովին դինամիկ և արդի համերգային ծրագրիր։