ՌԴ-ն ողջունել է Ադրբեջանի և Հայաստանի սահմանազատման հանձնաժողովների հանդիպումը
1 րոպեի ընթերցում
![ՌԴ-ն ողջունել է Ադրբեջանի և Հայաստանի սահմանազատման հանձնաժողովների հանդիպումը](http://armenpress.am/resized/480/static/news/b/2023/12/1125663.jpg)
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսական կողմը ողջունում է Ադրբեջանի և Հայաստանի սահմանազատման հանձնաժողովների հանդիպումը և պատրաստ է աջակցել գործընթացին։
Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ողջունում ենք Ադրբեջանի և Հայաստանի ներկայացուցիչների հանդիպումը սահմանին: Այդ միջոցառման ընթացքում կողմերը համաձայնեցրել են մեթոդաբանական, կազմակերպական հարցեր՝ սահմանազատման գործնական աշխատանքի գործարկման նախապատրաստության շրջանակներում: Մեր կողմից պատրաստ ենք ցույց տալ ամեն տեսակ աջակցություն անմիջական սահմանազատման գործունեության ընթացքում»,- ասել է դիվանագետը: