1 րոպեի ընթերցում
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ։ Ամերիկյան Օհայո նահանգի Հիլսբորո քաղաքում մեքենաների վերանորոգման կետում պայթյունի հետևանքով երեք մարդ է զոհվել, մեկը հոսպիտալացվել է։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է նահանգային իշխանությունը։
Նշվում է, որ պայթյունը տեղի է ունեցել տեղական ժամանակով երեկոյան ժամը չորսին։ Ականատեսներից մեկը, ով աշխատում էր մոտակա ալկոհոլային խմիչքների խանութում, ասել է, որ պայթյունը զգացել է որպես «երկրաշարժ»:
Միջադեպը հետաքննվում է, պայթյունի պատճառը դեռ պարզված չէ։