Սպորտ

Podcast-Sport. Հայաստանում կայանալիք սամբոյի աշխարհի առաջնությանը մասնակցելու հայտ է ներկայացրել 70 երկիր

1 րոպեի ընթերցում

Podcast-Sport.  Հայաստանում կայանալիք սամբոյի աշխարհի առաջնությանը մասնակցելու հայտ է ներկայացրել 70 երկիր

ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում նոյեմբերի 10-12-ն առաջին անգամ կանցկացվի սամբոյի մեծահասակների աշխարհի առաջնությունը:

«Արմենպրես»-ի Podcast-Sport-ում Հայաստանի սամբոյի ֆեդերացիայի նախագահ Միքայել Հայրապետյանի հետ խոսել ենք նախապատրաստական աշխատանքների, հյուրընկալության ընթացքում սպասվող հնարավոր խնդիրների լուծումների, հավաքականի կազմի և սպասվելիք արդյունքների մասին:

«Նախապատրաստական աշխատանքների յուրաքանչյուր փուլ ընթանում է պլանավորածի պես: Մրցաշարի մեկնարկից մի քանի օր առաջ պատրաստ կլինի դահլիճը: Մենք արդեն փորձն ունենք, քանի որ 2022 թվականին հյուրընկալել էինք սամբոյի դեռահասների, պատանիների և երիտասարդների աշխարհի առաջնությունը»,-ասաց Հայրապետյանը:

Սամբոյի ֆեդերացիայի նախագահի խոսքով` աշխատանքները պետական գերատեսչությունների հետ սահուն ընթանում են, և Հայաստանը պատրաստ է հյուրընկալել աշխարհի առաջնությունը:

«Այժմ 70 երկրից մասնակցության հայտ ունենք, սակայն ձգտելու ենք շատացնել մասնակից երկրների թիվը: Հայաստանն ունի այդ ներուժը` հյուրընկալելու առավել շատ մասնակիցների»,-ասաց նա:

Մանրամասները` Podcast-Sport-ում

Վարվառա Հայրապետյան

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում