Հայաստանի և Ադրբեջանի վարչապետները Վրաստանում ոչ պաշտոնական շփում են ունեցել
1 րոպեի ընթերցում
![Հայաստանի և Ադրբեջանի վարչապետները Վրաստանում ոչ պաշտոնական շփում են ունեցել](http://armenpress.am/resized/480/static/news/b/2023/10/1122946.jpg)
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանը հոկտեմբերի 26-ին Վրաստանում ոչ պաշտոնական շփում է ունեցել Ադրբեջանի վարչապետ Ալի Ասադովի հետ։
«Արմենպրես»-ին այս մասին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից։
Հայաստանի վարչապետ Նիկոլ Փաշինյանն ու Ադրբեջանի վարչապետ Ալի Ասադովը հոկտեմբերի 26-ին Թբիլիսում մասնակցել են Մետաքսի ճանապարհի համաժողովին։
«Պաշտոնական ճաշից հետո եղել է ոչ պաշտոնական շփում Վրաստանի, Հայաստանի եւ Ադրբեջանի վարչապետների միջեւ»,- փոխանցեցին վարչապետի աշխատակազմից: