Հայաստանում կայանալիք սամբոյի աշխարհի առաջնությունն աննախադեպ է լինելու. Կարեն Գիլոյան

2 րոպեի ընթերցում

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի կրթության, գիտության, մշակույթի և սպորտի նախարարի տեղակալ Կարեն Գիլոյանը կարծում է, որ Հայաստանում կայանալիք սամբոյի աշխարհի առաջնությունն աննախադեպ է լինելու մարզաձևի պատմության ընթացքում:

«Այն, որ Հայաստանում միջազգային առաջնություններ անցկացնելը կենսական անհրաժեշտություն է, աներկբա է: Դրանով մենք հանրահռչակում ենք մեր երկիրը, ցույց ենք տալիս, որ մենք կարող ենք անցկացնել ամենաբարձր կարգի մրցումներ: Բացի այդ, մեր մարզիկներին հնարավորություն ենք տալիս սեփական հարկի տակ ելույթ ունենալ և երկրպագուներին էլ համաշխարհային մեծ սպորտին առնչվելու հնարավորություն ենք տալիս»,-«Արմենպրես»-ի հետ զրույցում ասաց նա:

Գիլոյանն ընդգծեց` սամբոյի աշխարհի առաջնության հյուրընկալությունը նախորդիվ կայացած՝ դեռահասների, պատանիների և երիտասարդների աշխարհի առաջնությունն անթերի կազմակերպելու և անցկացնելու շնորհիվ է:

«Կարծում եմ, որ սամբոյի աշխարհի առաջնությունն աննախադեպ է լինելու: Մենք փորձելու ենք անել այնպես, որ երբևէ կայացած ամենամեծամասշտաբ առաջնությունը լինի: Փորձելու ենք հրավիրյալ երկրների քանակը անցկացնել 100-ից: Մենք քննարկումների մեջ ենք միջազգային և Հայաստանի ֆեդերացիաների հետ: Ունենք նաև միջկառավարական հանձնաժողով, որը պարբերաբար քննարկում է անցկացնում առաջնության շուրջ: Վստահ եմ, որ մենք պարզ ճակատով անցկացնելու ենք այս առաջնությունը»,-ասաց Գիլոյանը:

ԿԳՄՍ նախարարի տեղակալի խոսքով` գալիք տարի այլ միջազգային մրցաշարեր էլ կլինեն Հայաստանում, սակայն դեռևս վաղ է փակագծերը բացել:

Սամբոյի մեծահասակների աշխարհի 2023 թվականի առաջնությունը կանցկացվի նոյեմբերի 10-12-ը, Երևանում։

Իսկ 2022 թ. հոկտեմբերի 14-16-ը Երևանի Կարեն Դեմիրճյանի անվան մարզահամերգային համալիրում անցկացվել է սամբոյի դեռահասների, պատանիների և երիտասարդների աշխարհի առաջնությունը: Աշխարհի ավելի քան 20 երկրի շուրջ 500 մարզիկներ 3 օր շարունակ պայքարել են 55 հավաքածու մեդալների համար:

Վարվառա Հայրապետյան

Հայերեն English Español Русский Türkçe

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը