Քաղաքականություն

Իշխանություններին և ընդդիմությանը ոչինչ չպետք է շեղի արցախահայությանը ՀՀ-ում արժանապատիվ կյանքով ապահովելու համազգային խնդրից․ Լևոն Տեր-Պետրոսյանը

1 րոպեի ընթերցում

Իշխանություններին և ընդդիմությանը ոչինչ չպետք է շեղի արցախահայությանը ՀՀ-ում արժանապատիվ կյանքով ապահովելու համազգային խնդրից․ Լևոն Տեր-Պետրոսյանը

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ։ ՀՀ առաջին նախագահ Լևոն Տեր-Պետրոսյանը գնահատում է Հայաստանի ընդդիմության՝ ներքաղաքական իրավիճակն էլ ավելի չսրելու տրամադրվածությունը: «Արմենպրես»-ի հաղորդմամբ՝ նա այդ մասին մեկնաբանություն է տարածել՝ նշելով․ «Թեև մեր ազգին բաժին ընկած ողբերգության համար Հայաստանի իշխանություններից հաշիվ պահանջելու իրավունքը մնում է ուժի մեջ, ես գնահատում եմ վերջին օրերին ընդդիմության կողմից մեր երկրի ներքաղաքական իրավիճակն էլ ավելի չսրելու տրամադրվածությունը:

Թե՛ իշխանություններին, թե՛ ընդդիմությանն այսօր ոչինչ չպետք է շեղի արցախահայությանը Հայաստանում արժանապատիվ կյանքով ապահովելու համազգային խնդրից»:

Հայաստանի ընդդիմադիր ուժերը սեպտեմբերի 20-ից սկիզբ առած ակցիաները դադարեցնելու և հանրահավաքները հետաձգելու որոշում են կայացրել սեպտեմբերի 26-ին՝ հայտարարելով, որ իրենց որոշումը հետապնդում է Լեռնային Ղարաբաղից բռնի տեղահանված հազարավոր քաղաքացիների հումանիտար խնդիրների հարցում իրենց աջակցությունը ցուցաբերելու նպատակը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում