ՄԱԿ-ի հասանելիութունը կենսական է ԼՂ-ում հանցագործությունների կանխարգելման համար. Միրզոյանը հանդիպել է Գուտերեշին
1 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՄԱԿ-ի Գլխավոր ասամբլեայի 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպել է ՄԱԿ-ի գլխավոր քարտուղար Անտոնիու Գուտերեշի հետ։ «Արմենպրես»-ի հաղորդմամբ՝ այս մասին ՀՀ ԱԳ նախարարը տեղեկացրել է X սոցիալական ցանցի իր միկրոբլոգում։
«Քննարկեցինք Հարավային Կովկասում տիրող ընդհանուր իրավիճակը և տարածաշրջանում, Հայաստանի և Լեռնային Ղարաբաղի դեմ Ադրբեջանի շարունակական ագրեսիայի հետևանքները: Ընդգծվել է, որ միջազգային հասանելիությունը, ներառյալ՝ ՄԱԿ-ի և դրա հաստատությունների, կենսական նշանակություն ունեն Լեռնային Ղարաբաղում դաժան հանցագործությունների կանխարգելման համար»,- գրել է Արարատ Միրզոյանը: