ՀՀ ԱԳ նախարարը Անկախության օրվա կապակցությամբ շնորհավորել է Հնդկաստանի գործընկերոջը
1 րոպեի ընթերցում
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանը Անկախության օրվա կապակցությամբ շնորհավորել է Հնդկաստանի ԱԳ նախարար Սուբրամանյամ Ջայշանկարին։
«Արմենպրես»-ի փոխանցմամբ՝ այս մասին Միրզոյանը գրառում է կատարել X-ի իր միկրոբլոգում։
«Ջերմորեն շնորհավորում եմ Հնդկաստանի իմ գործընկերոջը և բարեկամ ժողովրդին՝ անկախության օրվա կապակցությամբ, մաղթելով ամենայն բարիք և բարօրություն։ Հայաստանի և Հնդկաստանի գործընկերությունը հիմնված է քաղաքակրթական կապերի վրա, և մենք պարտավոր ենք այն ավելի ուժեղ դարձնել»,- գրել է Միրզոյանը։
Շնորհավորանքին իր միկրոբլոգում արձագանքել է Հնդկաստանի ԱԳ նախարար Սուբրամանյամ Ջայշանկարը՝ շնորհակալություն հայտնելով Արարատ Միրզոյանին շնորհավորանքի և բարի մաղթանքների համար։
Շնորհակալություն for kind wishes, FM @AraratMirzoyan.
Our long-standing connections are today expressed in practical cooperation. https://t.co/DM5QBzYjh3
— Dr. S. Jaishankar (@DrSJaishankar) August 15, 2023